Хайхастығ «Тӧлке салҷаң кинде» пар Пии аймааның Сос Пилтірі аалындағы музейде.

Хайхастығ «Тӧлке салҷаң кинде» пар Пии аймааның Сос Пилтірі аалындағы музейде.
«Тӧлке салҷаң киндеде» кибелістер пазылых. Ол кибелістерҷе кізее позының суриина нандырығ таап аларға чарир. Тӧлке салдырып аларға сағынчатхан музейнің аалҷызына пастап хабыҷахтан тас таллап аларға кирек. Ол тастарда саннар пазылых. Киндедегі кибелістер , тізең, саннар пастыра санал парғаннар.

Сынында, тастарны кізі позы таллабинча, тастар кізіні таллап алчалар тіп, чоохтапча Пии аймаандағы Сос Пилтірі аал музейінің устағҷызы Мария Федоровна Ачитаева. Ағаа іди хамнар чарыт пиртірлер.
«Тӧлке салҷаң кинде» сурығларға прай орта нандырығ пирче тіп, салтарлапча ол.

Таныхтирға кирек, Сос Пилтіріндегі музейде «Тӧлке салҷаң кинде» сын кинденің хобырылған киндезі полча. Пу кинденің тархыны ыраххы 9 чус чыллардаң пасталча тіп, пазылча. Ол уйгурскай каганат тузына кірче.
«Тӧлке салҷаң киндеде» 104 страница. Ол 1900 чылда Хыдат чиріндегі хуйуда табылтыр. Хуйуда пурунғы библиотека полтыр. Анда 50 муң азыра аймах-пасха пічіктер табылтырлар. Ана оларның аразында «Тӧлке салҷаң кинде» тюрк руналар пічиинең таста пазылбин чаҷында пазылых чалғыс ла пічік полтыр. Сағам ол кинде орыс тіліне тілбестел парған.#ХакасРадио